గురు పౌర్ణిమ శుభ సంకల్పములు [15-07-2011]
గురువు అనగా సర్వజ్ఞుడు ,సర్వ వ్యాపకుడు ,సర్వ సమర్ధుడు వారినే మనం గురు బ్రహ్మ , గురువిష్ణు,గురుదేవో మ్మహేశ్వరా అని ప్రార్ధన చేస్తాము .గురువు మనకు దూరముగా ఎక్కడో వున్నాడు అన్న భ్రమను పోగొట్టుకొని మనలోనే వున్నాడు అన్న సత్యమును గ్రహిచుటయే గురు పౌర్ణిమ పర్వదినమున మనము చేసే ధ్యానము, ప్రార్ధన ,పూజ . వ్యాసభగవానుని పుట్టిన రోజు గురు పౌర్ణిమ రోజు .వ్యాసుల వారు మానవ జన్మ ఉద్దేశ్యము తెలిసికొనుట కొఱకు 18 పురాణములను వ్రాసినారు . అది ద్వాపర యుగమునాటి మాట. ఇప్పుడు ఈ కలియుగములో శ్రీకృష్ణ భగవానుని ఉవాచ ప్రకారము భగవద్గీత లోని 18 అద్యాయముల యొక్క సారంశమును " ప్రజ్ఞా పురాణ కధలు " [నాలుగు భాగములు ]మనం మహా మానవులుగా మారుటకు రచించినవారు బ్రహ్మర్షి , యుగద్రష్ట , వేదమూర్తి ,తపోనిష్ట ,పండిత ,నిష్కలంక అవతార్ శ్రీ రామ శర్మ ఆచార్య గురుదేవులు . వారు 1911 సెప్టెంబర్ లో జన్మించి 24 సంవత్సరాలు తపస్సు ద్వారా మానసిక తలమును పరిష్కృతము చేసుకొని గాయత్రీ దేవతానుగ్రహము పొంది ,21 వ శతాబ్ది -ఉజ్వల భవిష్యత్ అందరకూ ఈ క్రింది సంకల్పములను తనవిగా చేసుకొని ఆదర్శ వంతమైన జీవితమును గడపగల ప్రతిఒక్కరికి సంభవిస్తుందని ఒక భవిష్య వేత్తగా తెలియ చేసారు .అదే ఆయన కారణ జన్మ రహస్యము . ఈయుగా నిర్మాణ సత్ సంకల్పములను మనమదరమూ ఆచరించి మన జీవితములను పరిపూర్ణము చేసుకోవాలన్నదే ఆ పరమాత్మ యొక్క సంకల్పము మరియు విశ్వ ప్రణాళిక లోని ఒక భాగముగా మనమందరమూ గుర్తించి మనం వ్యక్తిగా ,కుటుంబ సభ్యునిగా ,సమాజములోని ఒక వ్యక్తిగా మన కారణ జన్మ రహస్యమును తెలిసికొన వలయును .
మారుతి [నేను చదివిన,విన్న వాటినుండి అందరికి చెప్పాలని ఉద్డేశంతో]
పూజ్య గురుదేవులు వేదమూర్తి తపోనిష్ఠ పండిత శ్రీరామ శర్మ ఆచార్య పాదపద్మములకు నమస్కారములు
రిప్లయితొలగించండి- యామజాల సూర్య సుధాకర్